Main Menu

आन्तरिक गन्तव्य विस्तार गर्दै निगम, चीनबाट २ वटा विमान ल्याइँदै

पुस २२, काठमाडौँ

nepal-airlines-increasing-domestic-destinationsराष्ट्रिय ध्वजावाहक नेपाल वायुसेवा निगम (नेपाल एयरलाइन्स) ले आन्तरिक उडानतर्फ थप गन्तव्य विस्तार गर्ने भएको छ ।

नयाँ गन्तव्यमा उडान थप्न विमान भित्र्याउनेदेखि दक्ष जनशक्ति विमानचालक (पाइलट) व्यवस्थापनमा जुटेको निगमले जनाएको छ ।

हाल दुई वटा वाइ–१२ विमानबाट आन्तरिक उडान भर्दै आएको निगमले चीनबाट थप दुईवटा विमान ल्याउँदैछ । अबको ३ महिनाभित्र चीनबाट नयाँ जहाज आइपुग्ने र नयाँ गन्तव्यमा उडान लैजाने तयारी भएको निगमका प्रवक्ता रवीन्द्र श्रेष्ठले जानकारी दिए ।

दाङको तुल्सीपुर विमानस्थलमा निगमले उडान भर्ने तयारी गरेको हो ? भन्ने जिज्ञासामा प्रवक्ता श्रेष्ठले भने, “तत्कालै त्यस्तो योजना छैन । अहिले पाइलट पनि छैनन्, विमान पनि कम छन् । भएका गन्तव्यमै नियमित उडान भर्न समस्या छ । पछि विमान थपिए विस्तार गरिन्छ ।”

निगमले सानो विमानले काठमाडौँबाट सिधा ६ र विराटनगर तथा नेपालगञ्जबाट अन्य ११ भन्दा बढी गन्तव्यमा आन्तरिक उडान भर्दै आएको छ ।

अन्तर्राष्ट्रियतर्फ हाल विभिन्न मुलुकका ८ गन्तव्यमा एक बोइङ नाइन एसिबी– ५७५ र एयरवस ए–३२० विमानबाट उडान भर्दै आएको छ ।

निगमले थप दुई वाइड बढी विमान आगामी वैशाखसम्म भित्र्याएर अन्य गन्तव्यमा उडान भर्ने तयारी गरेको छ ।

(Visited 23 times, 1 visits today)

टिप्पणी

comments