Main Menu

मधेसवादी दलले जनतालाई अल्मल्याएको छः अध्यक्ष ओली

नेकपा एमालेका अध्यक्ष केपी शर्मा ओली लगायत काठमाडौँमा शुक्रबार आयोजित राष्ट्रिय जनसाँस्कृतिक महासङघ, नेपालको २९औँ स्थापना दिवस तथा जनसाँस्कृति पुरस्कार २०७३ र जनसाँस्कृति युवा पुरस्कार २०७३ मा सहभागी हुदै । तस्बिर : रोशन सापकोटा, रासस

चैत्र २५, काठमाडौँ । नेकपा (एमाले)का अध्यक्ष केपी शर्मा ओलीले मधेसवादी दलले मधेसका जनतालाई अल्मल्याइरहेको आरोप लगाएका छन् ।

राष्ट्रिय जनसांस्कृतिक महासङ्घ नेपालको २९ औँ स्थापना दिवस तथा जनसांस्कृतिक पुरस्कार–२०७३ र जनसांस्कृतिक युवा पुरस्कार–२०७३ वितरण समारोहलाई आज यहाँ सम्बोधन गर्दै उनले भने – “देशलाई सङ्क्रमकालबाट पार लगाउन तीन तहको निर्वाचन गर्नुको सट्टा मधेसवादी दलले जनतामाझमा विभिन्न नचाहिने कुरा गरेर अल्मल्याइरहेका छन् ।”

अध्यक्ष ओलीले देशलाई प्रतिकूल अवस्थामा धकेल्ने प्रयास भइरहेको तर एमालेले देशलाई पछाडि फर्काउन प्रयासलाई सफल हुन दिँदैन भन्दै देश गरिबी हुनु पर्ने कुनै कारण नभएको बताए ।

यहाँका केही व्यक्तिका कारण देश गरिबी भएको उल्लेख गर्दै उनले हिजोको जस्तो चुनौती आजका दिनमा नभएको स्पष्ट पारे ।

“हिजोको चुनौतीजस्तो आजका चुनौती सजिलैसँग समाधान गर्ने खालका छैनन्”, उनले भने – “पहिलेको जस्तो अबका दिनमा अलअलि गल्ती गर्नुहुँदैन । देश बनाउनका लागि गति बढाउनुपर्दछ ।”

कार्यक्रममा अध्यक्ष ओलीले संस्कृतिविद् शङ्कर पोखरेल (मोरङ)लाई नगद रु. २५ हजार राशिको जनसांस्कृतिक पुरस्कार–२०७३ र रु. १५ हजार राशिको जनसंस्कृति युवा प्रतिभा पुरस्कार युवा नाट्यकर्मी रवि कार्की (म्याग्दी) लाई प्रदान गरे ।

(Visited 12 times, 1 visits today)

टिप्पणी

comments